蛊

　　巴黎圣日耳门啱啱砌低里昂，延续连赢兼破对手不败身，明明可喜可贺，但睇见尼马同卡云尼两大射手争踢12码，潜藏危机慢慢浮面。

　　比赛期间，基利安麦巴比博得12码，卡云尼好快就企定定准备主踢，不过尼马就喺身边唸唸有词，似乎系游说对方孔融让梨，但卡云尼阔佬懒理，摆摆手，尼马无瘾行开，仲隐约见佢摇摇头，似乎唔忿气。

　　结果唔知系咪有压力，卡云尼主射被安东尼卢比斯挡出。撇开呢球波，其实之前有另一个镜头系卡云尼想主射自由球，但丹尼尔死都唔肯交个波畀佢，而畀同乡兼老死尼马，用意唔使多讲。

　　虽然话PSG最终都赢，但两件事，话冇令胜仗蒙上阴影就假嘅。

　　唔好话十三小事化大，PSG球迷应该心中有数，其实喺尼马入「门」后，一早有记者问教练艾美利日后边个系12码刽子手，只系艾美利当时避谈；经过呢场波，少不免又有人重提呢个好问题，即管听佢今次点答：「12码由少数球员负责，一个系卡云尼，另一个系尼马。当中系君子协定。」讲咗，等于冇讲。「之后，我哋会内部倾，因为佢两个都有能力主踢，而我想佢哋轮流负责。如果冇共识，我至会决定，唔想成为一大问题。」咁就清楚啲，意思系佢想先抛番个波畀两大射手，真系搞唔掂至出手。讲完。

　　尼马离开巴塞隆拿，一心去PSG做大哥大，明，但唔代表你2.22亿欧元身价就大晒，新亨利后生仔当然唔敢争，不过卡云尼唔同，排资论辈，又同过咁多人合作点会「舍」你。尼马或者有巴西帮拥护，卡云尼何尝冇既有队友撑腰？

　　蛊惑波经 周中三叉戟、至尊、先锋、杯赛专项，心水场场精选！推介源源不断！详情垂询蛊惑波经客服热线15815960000或15815961111