蛊

　　惑波经心水推介：15815960000 1581596111

　　曼联领队摩连奴发嬲喇！

　　英国《BBC》报道，摩佬因为英格兰代表队队医为咗要红魔鬼后卫菲尔锺斯踢到对德国场友赛，帮佢丧啪咗六针，结果搞到菲尔锺斯大腿筋伤员复发，礼拜六主场斗纽卡素场波唔使预佢。摩佬话：「我做咗17年领队，从来未试过有球员因为要踢一场友赛而喺开波前打针！」

　　报道指英格兰代表队军医帮菲尔锺斯啪果六针，系属于同一个疗程。对于呢班军医嘅做法，明知菲尔锺斯有伤在身都畀佢向代表队报到嘅摩连奴就好唔高兴。呢位葡萄牙籍领队话：「我唔系乜嘢天使，我都试过要球员打针去踢正式嘅比赛、一啲重要嘅比赛，但为咗场友赛，仲要啪六针，我真系听都未听过。菲尔锺斯就真系试过嘞，开波前打针，15分钟之后就收档，礼拜六都唔使踢。」

　　摩佬透露，英格兰代表队嘅队医喺11月10号友赛德国嘅下昼帮菲尔锺斯打咗一针，但呢位曼联后卫喺热身果阵感觉唔多好，于是军医喺热身到开波前，再帮菲尔锺斯啪多五针。摩连奴话自己无就呢件事同英格兰足总，或者代表队领队修夫基倾过，但《BBC》指英格兰同曼联嘅队医喺菲尔锺斯入选前、同国际赛档期期间，以至之后都有沟通过；至于英格兰足总就未有对摩佬嘅言论作出任何回应。